Zaburi 74:2-23

²Wafikilie watu wako, ambao uliwanunua siku nyingi zilizopita, kabila ambalo wewe umelikomboa liwe urithi wako, na Milima Sayuni, mahali uishipo.

³Uje utazame uharibifu kamili, uharibifu ambao umefanywa na adui mahali patakatifu.

⁴Washindani wako walivamia katikati ya mahali pako maalumu; walipandisha bendera zao za vita.

⁵Walipakatakata kwa shoka kama katika msitu mnene.

⁶Walipaharibu na kuvunja sanaa zilizonakshiwa zote; walizivunja kwa shoka na nyundo.

⁷Walipachoma patakatifu pako; walipanajisi mahari unapoishi, wakigongagonga kwenye ardhi.

⁸Walisema mioyoni mwao, “Tutawaharibu wote.” Walichoma sehemu zako zote za kukutania katika nchi.

⁹Sisi hatuoni tena ishara; hakuna tena nabii, na hakuna yeyote miongoni mwetu ajuaye haya yatadumu kwa muda gani.

¹⁰Mpaka lini, Mungu, adui atakurushia wewe matusi? Je, atalitukana jina lako milele?

¹¹Kwa nini umerudisha nyuma mkono wako, mkono wako wa kuume? Utoe mkono wako kwenye mavazi yako na uwaangamize.

¹²Lakini Mungu amekuwa mfalme wangu tangu enzi, akileta wokovu tuniani.

¹³Wewe uliigawa bahari; ulishambulia vichwa vya majitu ya kutisha baharini majini.

¹⁴Wewe ulishambulia vichwa vya lewiathani; na kumfanya awe chakula cha viumbe hai jangwani.

¹⁵Ulizifungulia chemchem na vijito; uliikausha mito itiririkayo.

¹⁶Mchana ni wako, na usiku ni wako pia; uliweka jua na mwezi mahari pake.

¹⁷Umeiweka mipaka ya nchi; umeumba majira ya joto na majira ya baridi.

¹⁸Kumbula vile adui alivyo vurumisha matusi kwako, Yahwe, na kwamba watu wapumbavu wamelitukana jina lako.

¹⁹Usimtoe njiwa afe kwa mnyama wa porini. Usiusahau milele uhai wa watu wako walio onewa.

²⁰Kumbuka agano lako, maana majimbo ya giza ya nchi yamejaa maeneo ya vurugu.

²¹Usiwaache walioonewa warudishwe kwa aibu; uwaache maskini na walioonewa walisifu jina lako.

²²Inuka Mungu, itetee heshima yako; kumbuka wajinga wanavyokutukana machana kutwa.

²³Usisahau sauti ya adui zako au kelele za wale wanaoendelea kukuchafua.