يَبُرَ 59:2-13

²ﭑ مَرِفِ عَلَ، ﭑ نَتَنفَ ﭑ يَشُييٍ مَ. ﭑ مَ قٍ شَ تٍ دَنفِقٍ ﭑ يَشُييٍ شَ قٍ رَ.

³ﭑ نَتَنفَ تِنشِنتَرٍيٍ مَ. ﭑ نَكِسِ قَشّتِيٍ مَ،

⁴بَرِ مَ عٍ وَ مَ ﭑ قَشَقٍ. سّنبّمَيٍ نَ عٍ مَلَنقٍ ﭑ شِلِ مَ، هَلِ ﭑ مُ قِندِ قٍ كٌبِ رَبَ رَ، هَلِ ﭑ مُ يُنُبِ يٌ رَبَ عَلَتَلَ رَ.

⁵هَلِ ﭑ مُ نَ قٍ حَاشِ رَبَقٍ، عٍ عٍ فِمَ ﭑ قْشْ رَ، عٍ شَ ﭑ فٍرٍ. كٍلِ، عِ قَ ﭑ مَلِ! يَندِ ﭑ مَ قٍ مَتٌ.

⁶عِسِرَيِلَ مَرِفِ عَلَتَلَ، مَنفّ عَلَ، كٍلِ، عِ شَ سِ دَنشَنِيَتَرٍيٍ رَتْن. عِ نَشَ دِحّ يِ يَنقَنتٍ تِنشِنتَرٍيٍ مَ. حّنفِ رَتٍ.

⁷عٍ قَمَ كْي رَ عَلْ بَرٍ شَاحّيٍ عٍ قَ تَا رَبِلِن.

⁸عٍ دّ لُمَ عَلْ بَرٍ دّ شُنقّ مِنِمَ نَشَن كُي. عٍ شَ وْيّنيِ مِشِ تْورْ مَ عَلْ سَنتِدّفّمَ. عٍ نَشّ، «ندٍ نْمَ وٌن مَ وْيّنيِ مّدٍ؟»

⁹كْنْ عَلَتَلَ، عِ تَن نَن يٍلٍمَ عٍ مَ. عِ سِ دَنشَنِيَتَرٍيٍ بِرِن مَيٍلٍمَ.

¹⁰ﭑ نَن ﭑ يّتّ رَتَنفَمَ عٍ سّنبّ مَ عِ تَن نَن سَابُي رَ. عَلَ نَن نَ ﭑ مَ كَنتَمَ رَ.

¹¹ﭑ مَرِفِ عَلَ، نَشَن شَ هِننّ فبٌ، عِ شَ تِ ﭑ يَ رَ، عِ شَ ﭑ يَشُييٍ رَبِرَ.

¹²ﭑ مَرِفِ، ﭑ مَ كَنتَمَ، عِ نَشَ عٍ قَشَ كٍرٍن نَ. عِ شَ عٍ رَبِرَ عَلَكٌ ﭑ مَ حَمَ نَشَ نّيمُ عِ سّنبّ مَ.

¹³عٍ يُنُبِ رَبَمَ عٍ شَ وْيّنيِيٍ رَ. عِ شَ عٍ سُشُ عٍ شَ يّتّ عِفبٌحَ كُي. عٍ دَنكّيٍ نُن وُلٍيٍ نَن تُن قَلَمَ.