يَبُرَ 32:1-7

¹دَوُدَ شَ لْننِ بّيتِ حّلّشِنيِ نَ عَدَ مَ بّ نَشَن شَ يُنُبِ بَرَ بَ، نَشَن شَ قٍ كٌبِ بَرَ شَقَرِ.

²حّلّشِنيِ نَ عَدَ مَ بّ عَلَتَلَ بَرَ دِحّ نَشَن مَ قٍ كٌبِ مَ، عَ نُن مَءِقُي مُ نَ نَشَن شَشِلِ يَ مَ.

³دَنمِ ﭑ دُندُشِ، ﭑ مُ نْمَ مِنِدٍ تْورّ كُي. ﭑ نُ تْورْ مَ نّ يَنيِ بِرِن نَ.

⁴كْي نُن يَنيِ عِ شَ تْورّ نَ ﭑ قَرِ. ﭑ سّنبّ بَرَ كَنَ، عَ بَرَ لُ عَلْ فبٍنفبٍرٍن يِرٍ.

⁵ﭑ بَرَ ﭑ مَ يُنُبِ مَسٍن عِ بّ، ﭑ مُ ﭑ مَ يُنُبِ نْشُنشِ قَ. ﭑ بَرَ عَ قَلَ، «قٌ ﭑ شَ ﭑ مَ يُنُبِ يَ شَرَن عَلَتَلَ بّ.» عِ تَن عَلَتَلَ بَرَ ﭑ مَ يُنُبِ بَ ﭑ مَ.

⁶مِشِ تِنشِنشِ بِرِن شَ عِ مَشَندِ عَ وَشَتِ. شَ تْورّ فبٌ عَلْ بَنبَرَنيِ، عَ مُ سٍسٍ نِيَمَ عَ رَ.

⁷ﭑ مَ كَنتَرِ لَنشِ عِ تَن نَن مَ. عِ مَن سُننُنيِ بَمَ ﭑ مَ. ﭑ عِ تَنتُمَ نّ عِ شَ مَرَتَنفّ شَ قٍ رَ.