Salmo 32:1-7

¹Utew zeyzey is etew he nepesaylu en is menge kedrapas din te menge suǥù, wey mibpanas en is menge salè din.

²Utew zeyzey is etew he wazè en isipa te Nengazen he mekesesalà sikandin, wey wazà sikandin mebpenlimbung.

³Hein wazè ku pa iketug-an is menge salè ku, mibmeluya a, ne henduen te nerupet en is menge tulan ku, tenged te kebpekezag-es ku seled te tivuuk he andew.

⁴Su maandew wey mezukilem is kedsiluti nu kedì; naawè en is desen ku ne henduen be te nekagkag a te meinit he andew.

⁵Ne intug-an ku ziyà te kenikew is menge salè ku; wazè ku in-eles. Ke siak te idtug-an ku is menge salè ku ziyà te kenikew. Ne zutun te kedtug-an ku, mibpesaylu a kenikew.

⁶Umbe, is langun he metinumanen kinahanglan he med-ampù diyà te kenikew zutun te timpu te kelised, su emun ebpekeuma is kelised he iring te zalem, ne kenè dan egkemenu.

⁷Iyan ka elesè ku; pengalang ku zutun te timpu te kelised. Himuwa nu he ebpekeliǥuy kayi te kediey is menge etew he ebpemen-ugyab te kegkelipey zan tenged te kedlibriya nu kediey.