كِيتِسَيٍ 4:1-12

¹عِسِرَيِلَكَيٍ مَن نَشَ قٍ حَاشِ رَبَ نَشَن مُ رَقَن عَلَتَلَ مَ. عٍشُدُ نُ بَرَ قَشَ نَ تّمُي.

²عَلَتَلَ قَن نَشَ عٍ سَ يَبِنِ سَفٌي، كَنَان مَنفّ ندٍ، نَشَن نُ نَ شَسٌرِ. سِسٍرَ، عَ شَ سْورِيٍ شُنيِ، نُ سَبَتِشِ شَرٌ سٍتِ فٌيِمِ.

³عِسِرَيِلَكَيٍ نَشَ عَلَتَلَ شِلِ عٍ شُي عِتٍشِ رَ، بَرِ مَ سْورِ رَفِسٍ وُرٍ دَاشِ كّمّ سٌلٌمَنَانِ نَن نُ نَ يَبِنِ يِ رَ. عَ نَشَ عِسِرَيِلَكَيٍ تْورْ عَ حَاشِ رَ حّ مْشْحّن بُن مَ.

⁴نَ وَشَتِ كُي، دٍبٌرَ نَمِحْنمّ فِنّ، لَثِدٌتِ شَ فِنّ، نَن نُ كِيتِسَ رَ عِسِرَيِلَ بْشِ مَ.

⁵عَ نُ كِيتِ سَمَ تُفِ بُنيِ نّ، نَشَن شِلِ «دٍبٌرَ شَ تُفِ،» رَامَ نُن بٍتٍلِ تَفِ، عٍقِرَ مِ فٍيَيٍ مَ. عِسِرَيِلَكَيٍ نُ سِفَمَ عَ يِرٍ، عَ شَ عٍ شَ كِيتِ سَ.

⁶دٍبٌرَ نَشَ كٍدٍ سِكَ عَبِنٌوَ مِ شَ دِ بَرَكِ شِلِ، نَشَن نُ نَ نَقَتَلِ بْنسْي شَ بْشِ مَ، عَ قَ عَ قَلَ عَ بّ، «عِسِرَيِلَ مَرِفِ عَلَتَلَ يِ يَامَرِ نَن سٌشِ عِ يِ رَ. عِ شَ نَقَتَلِكَيٍ نُن سَبُلٌنكَيٍ شّمّ وُلُ قُ شَنِن تَبٌرٌ فٍيَ قَرِ.

⁷ﭑ قَمَ سِسٍرَ، يَبِنِ شَ سْورِ مَنفّ، بّندُندٍ عِ مَ كِسٌن شُرٍ مَبِرِ. ﭑ عَ شَ سْورِ بِرِن نُن عٍ رَفِسٍيٍ سَمَ نّ عِ سَفٌ.»

⁸بَرَكِ نَشَ عَ قَلَ عَ بّ، «شَ وٌن بِرِن نَن عَ رَ، ﭑ سِفَمَ، كْنْ شَ وٌن بِرِن مُ عَ رَ، ﭑ مُ سِفَمَ قٍوٌ.»

⁹دٍبٌرَ نَشَ عَ يَابِ، «نَ كُي، وٌن بِرِن نَن سِفَمَ، كْنْ عِ مُ قَمَ مَتْشْي يٌ سْتْدٍ نَ كُي، بَرِ مَ عَلَتَلَ قَمَ سِسٍرَ سَدٍ فِنّ ندٍ نَن سَفٌي.» نَ تّمُي، دٍبٌرَ نُن بَرَكِ نَشَ سِفَ كٍدٍ سِ.

¹⁰بَرَكِ نَشَ نَقَتَلِكَيٍ نُن سَبُلٌنكَيٍ مَشِلِ كٍدٍ سِ. شّمّ مِشِ وُلُ قُ نَشَ بِرَ عَ قْشْ رَ. دٍبٌرَ قَن نُ نَ عٍ يَ مَ.

¹¹هٍبٍرِ كٍنِكَ نُ بَرَ فبِلٍن عَ بْنسْي قْشْ رَ، نَشَن قِندِ شٌبَبٌ شَ دِيٍ رَ، عَننَبِ مُنسَ بِتَنيِ شّمّمَ. هٍبٍرِ نُ بَرَ عَ شَ كِرِ بَنشِ تِ سَانَنِمِ، وُرِ بٍلٍبٍلٍ ندٍ بُن، كٍدٍ سِ قّ مَ.

¹²مِشِ ندٍ تٌ عَ قَلَ سِسٍرَ بّ، عَ عَبِنٌوَ مِ شَ دِ بَرَكِ بَرَ تٍ تَبٌرٌ فٍيَ قَرِ،