عِسِرَيِلَ مَنفّيٍ ٢ 15:4-19

⁴كْنْ نَ بِرِن كُي، كُيٍ بَتُدٍيٍ مُ حْن فٍيَيٍ يِرٍ، مِشِيٍ نُ لُمَ سّرّشّيٍ نُن سُرَيِ مَن بَ رَ مّننِ.

⁵عَلَتَلَ نَشَ كُنّ قُرٍ سَ مَنفّ مَ، هَن عَ قَشَ لْشْي. عَ نُ سَبَتِشِ بَنشِ ندٍ نَن كُي، نَشَن نُ نَ عَ شَتِ مَ. عَ شَ دِ يٌتَمِ نَن نُ نَ عَ شَ قْشْي شُنيِ رَ، عَ مَن نُ عَ شَ مَنفّيَ قَن نَحّرّ مَ بْشِ كُي.

⁶عَسَرَيَ شَ تَرُشُي دْنشْي، عَ قٍ قَنيِ نَشٍيٍ بِرِن نَبَ، نَ سّبّشِ يُدَيَ مَنفّيٍ شَ تَرُشُي كُي.

⁷عَسَرَيَ نَشَ لَاشِرَ، عٍ عَ رَفَتَ عَ بٍنبَيٍ قّ مَ، دَوُدَ شَ تَا كُي. عَ شَ دِ يٌتَمِ نَشَ تِ مَنفّ رَ عَ حْشْي رَ.

⁸يُدَيَ مَنفّ عَسَرَيَ شَ مَنفّيَ حّ تٌنفٌ سَشَن نُن سٌلٌمَسَشَن ندٍ رَ، يٍرٌبٌوَ مِ شَ دِ سَكَرِ نَشَ تِ عِسِرَيِلَ مَنفّ رَ سَمَرِ، كِكٍ سٍننِ بُن مَ.

⁹عَ نَشَ قٍ رَبَ نَشَن مُ رَقَن عَلَتَلَ مَ، عَلْ عَ بٍنبَيٍ نَشَن نَبَ. عَ مُ فبِلٍن نٍبَتِ شَ دِ يٍرٌبٌوَ مِ شَ يُنُبِ قْشْ رَ، عَ عِسِرَيِلَ تِ نَشَن نَ.

¹⁰يَبّسِ شَ دِ سَلُمُ نَشَ يَنقَنتٍيَ مَشِرِ عَ شُن مَ، عَ عَ قَشَ يِبٍلٍيَمِ، عَ تِ مَنفّ رَ عَ حْشْي رَ.

¹¹سَكَرِ شَ تَرُشُي دْنشْي سّبّشِ عِسِرَيِلَ مَنفّيٍ شَ تَرُشُي كُي.

¹²عَلَتَلَ شَ مَسٍنيِ نَن كَمَلِ عَ شَ قَشّ كُي، عَ نَشَن مَسٍن يٍهُ بّ، عَ تٌ عَ مَسٍن، «عِ بْنسْي عِسِرَيِلَ يَمَرِ مَ نّ هَن عِ تٌلٌنتٌلٌنيِ.» عَ رَبَ نَ كِ نّ.

¹³يَبّسِ شَ دِ سَلُمُ نَشَ تِ مَنفّ رَ عِسِرَيِلَ، يُدَيَ مَنفّ عٌسِيَسِ شَ مَنفّيَ حّ تٌنفٌ سَشَن نُن سٌلٌمَنَانِ ندٍ رَ. عَ نَشَ مَنفّيَ رَبَ كِكٍ كٍرٍن سَمَرِ.

¹⁴مٍنَشٍمِ، فَدِ شَ دِ سَلُمُ نَشَ كٍلِ تِرِ سَ، عَ تٍ سَمَرِ، عَ يَبّسِ شَ دِ سَلُمُ قَشَ، عَ تِ مَنفّ رَ عَ حْشْي رَ.

¹⁵سَلُمُ شَ تَرُشُي دْنشْي، نُن عَ يَنقّ نَشَن تِ، نَ سّبّشِ عِسِرَيِلَ مَنفّيٍ شَ تَرُشُي كُي.

¹⁶نَ تّمُي، مٍنَشٍمِ نَشَ كٍلِ تِرِ سَ، عَ سِفَ تِقِسَ تَا فٍرٍدٍ. عَ نَشَ مّننِكَيٍ بِرِن قَشَ، عَ نُن نَشٍيٍ نُ نَ نَا رَبِلِنيِ، بَرِ مَ عٍ مُ نُ تِنمَ عَ شَ يَامَرِ رَ. هَلِ فِنّ قُرُشِيٍ، عَ نُ عٍ قَشَ نّ، عَ عٍ قُرِ رَبْو.

¹⁷يُدَيَ مَنفّ عَسَرَيَ شَ مَنفّيَ حّ تٌنفٌ سَشَن نُن سٌلٌمَنَانِ ندٍ رَ، فَدِ شَ دِ مٍنَشٍمِ نَشَ تِ عِسِرَيِلَ مَنفّ رَ. عَ مَنفّيَ حّ قُ نَن نَبَ سَمَرِ.

¹⁸عَ نَشَ قٍ رَبَ نَشَن مُ رَقَن عَلَتَلَ مَ. عَ مُ فبِلٍن نٍبَتِ شَ دِ يٍرٌبٌوَ مِ شَ يُنُبِيٍ قْشْ رَ، عَ عِسِرَيِلَ حَمَ تِ نَشَن نَ.

¹⁹عَسِرِيَ مَنفّ ثُلُ نَشَ سٌ عِسِرَيِلَ بْشِ كُي، عَ شَ نَا فٍرٍ، كْنْ مٍنَشٍمِ نَشَ فبٍتِ كِلٌ وُلُ تٌنفٌ سَشَن قِ عَ مَ، عَلَكٌ عَ شَ عَ مَلِ عَ شَ مَنفّيَ شَ مَبَنبَن.