عَننَبِ مِكَ 3

1

2

3

4

5

6

7

¹ﭑ نَشّ، «يَشُبَ بْنسْي مَنفّيٍ، عِسِرَيِلَ يَرٍرَتِيٍ، وٌ شَ وٌ تُلِ مَتِ. وٌ تَن شَ مُ دَشَ وٌ شَ سّرِيّ كٌلٌن؟

²كْنْ وٌ قٍ قَنيِيٍ شْنمَ، قٍ حَاشِيٍ نَن نَقَن وٌ مَ. وٌ مِشِيٍ تْورْ مَ هَن، عَ لُشِ نّ عَلْ وٌ عٍ شَ كِرِ نُن سُبٍ بَمَ عٍ قَتٍيٍ مَ،

³وٌ نَ عِبٌلٌن عَ شُنتُنيِيٍ رَ، وٌ عَ حِن تُندٍ كُي، وٌ قَ عَ دٌن.»

⁴نَ مِشِ مْولِ قَمَ نّ عَلَتَلَ شِلِدٍ، كْنْ عَ مُ عٍ يَابِمَ. نَ لْشْي عَ عَ كٌبٍ سٌمَ نّ عٍ رَ، بَرِ مَ عٍ حّرّ كِ مُ قَن.

⁵عَلَتَلَ شَ مَسٍنيِ نَن يَ، «وٌ تَن نَمِحْنمّ نَشٍيٍ ﭑ مَ حَمَ رَتَنتَنمَ، نَشٍيٍ بْحّسَ مَسٍنمَ مِشِيٍ بّ نَشٍيٍ وٌ كِمَ، كْنْ وٌ مِشِيٍ تَن فٍرٍ نَشٍيٍ وٌ كُمَ.

⁶نَ شَ قٍ رَ، كْي سٌمَ نّ وٌ شُن، وٌ مُ تٌي تِمَ، وٌ مُ لَامَتُنيِيٍ سْتْمَ، وٌ لُمَ دِ مِ نَن كُي تُن. سٌفٍ دُلَمَ نّ نَ نَمِحْنمّيٍ شُن، يَنيِ قَن عِقْورْ عٍ بّ.

⁷سٍ مَتٌي يَافِمَ نّ، نَشٍيٍ يَرٍ تٌمَ، عٍ شُن سِنمَ نّ، عٍ عٍ يَتَفِ نْشُن، بَرِ مَ ﭑ تَن عَلَ مُ عٍ يَابِمَ.»

⁸كْنْ عَلَ شَشِلِ سّنِيّنشِ بَرَ سّنبّ قِ ﭑ مَ، تِنشِنيِ نُن لِمَنِيَ بَرَ لُ ﭑ يِ رَ، عَلَكٌ ﭑ شَ يَشُبَ بْنسْييٍ رَكٌلٌن عٍ شَ مُرُتّ رَ، ﭑ شَ عِسِرَيِلَ شَ يُنُبِيٍ مَسٍن عَ بّ.

⁹وٌ تَن يَشُبَ بْنسْييٍ يَرٍرَتِيٍ، وٌ تَن عِسِرَيِلَ حَمَ شَ مَنفّيٍ، وٌ شَ وٌ تُلِ مَتِ ﭑ نَ. وٌ نَ تِنشِنيِ شْنقٍ، وٌ عَ مَقِندِ.

¹⁰وٌ نَ مِشِيٍ نِي بَقٍ سِيٌنِ تِقٍ رَ، وٌ نَ دَرِ سَلَمُ تِقٍ تِنشِنتَرٍيَ كُي.

¹¹عٍ شَ مَنفّيٍ كِيتِ سَمَ كْبِرِ سْتْقٍ نَن مَ. عٍ شَ سّرّشّدُبّيٍ شَرَنيِ تِمَ نَاقُلِ شَ قٍ نَن نَ. عٍ شَ نَمِحْنمّيٍ مَسٍنيِيٍ تِمَ عٍ شَ فٍينِ نَن مَ. كْنْ عٍ بِرِن عٍ يَ تِمَ عَلَتَلَ رَ، عٍ نُ عَ قَلَ مِشِيٍ بّ، «عَلَتَلَ مُ نَ شّ وٌن يَ مَ؟ حَشَنكَتّ يٌ مُ وٌن لِمَ.»

¹²وٌ شَ قٍ نَن يَتِ عَ نِيَمَ سِيٌنِ قَمَ بُشَدٍ عَلْ شّ، دَرِ سَلَمُ قِندِ مَ نّ فّمّ مَلَنشِيٍ رَ، قْتْنيِ قَ بُلَ هْرْ مْبَنشِ رَبِلِنيِ مَ.