رْ مَ 10:1-16

¹ﭑ نفَشَكٍرٍنيِيٍ، ﭑ بْحّ وَشْنقٍ بِرِن نَ نَشَن نَ، يُوِقِيٍ شَ كِسِ سْتْ. ﭑ مَ عَلَ مَشَندِ نَن نَ كِ عٍ بّ.

²ﭑ نَ عٍ سٍيدٍ رَ، عَ عٍ سّنبّ سَشِ عَلَ شَ قٍيٍ كُي، كْنْ نَ مُ كٍلِشِ لْننِ شَ مَ.

³عٍ تٌ مُ عَ كٌلٌن عَلَ مِشِ مَتِنشِنمَ عَ يَ عِ كِ نَشّ، عٍ نَشَ كَتَ عٍ شَ عٍ يّتّ كَن مَتِنشِن. نَ كُي، عٍ مُ عٍ يّتّ مَفٌرٌ عَلَ بّ عَ تَن شَ تِنشِنيِ قِ عٍ مَ.

⁴عَلَ شَ مِشِ سُفَندِشِ بَرَ فّ مُنسَ شَ سّرِيّ رَكَمَلِدٍ، عَلَكٌ نَشَن يٌ نَ دَنشَنِيَ عَ مَ، نَ كَنيِ شَ تِنشِنيِ سْتْ.

⁵عَننَبِ مُنسَ تٌ نُ تِنشِنيِ شَ قٍ مَسٍنقٍ نَشَن سْتْمَ سّرِيّ رَبَتُقٍ مَ، عَ يِ نَن سّبّ كِتَابُي كُي، «مِشِ نَشَن يِ سّرِيّ رَبَتُمَ عَ سِمَيَ سْتْمَ نّ عَ سَابُي رَ.»

⁶كْنْ عَ تٌ نُ تِنشِنيِ شَ قٍ مَسٍنقٍ نَشَن سْتْمَ دَنشَنِيَ سَابُي رَ، عَ يِ نَن سّبّ، «عِ نَشَ عِ يّتّ مَشْرِن، ‹ندٍ تٍمَ كٌورٍ؟›» عَلَ شَ مِشِ سُفَندِشِ مُ فٌرٌشِ شّ كٍلِ كٌورٍ مَ؟

⁷«شَ نَ مُ عَ رَ عِ عِ يّتّ مَشْرِن، ‹ندٍ فٌرٌ مَ بْشِ بُن؟›» عَلَ شَ مِشِ سُفَندِشِ مُ كٍلِشِ قَشَمِشِيٍ شَ تَفِ؟

⁸كِتَابُي مُنسٍ مَسٍنشِ؟ «عَلَ شَ مَسٍنيِ مَكْرّ عِ رَ. عَ نَ عِ دّ كِرِ مَ، عَ نَ عِ بْحّ قَن مَ.» نَ مَسٍنيِ قِندِشِ دَنشَنِيَ مَسٍنيِ نَن نَ مُشُ نَشَن كَوَندِقٍ؛

⁹عَ عِ نَ عَ قَلَ عِ دّ رَ عَ مَرِفِ نَن نَ عِسَ رَ، عِ مَن نَشَ لَ عَ رَ عِ بْحّ كُي عَ عَلَ بَرَ عَ رَكٍلِ قَشَمِشِيٍ تَفِ، عِ كِسِمَ نّ.

¹⁰مِشِ دَنشَنِيَمَ يِ مَسٍنيِ مَ عَ بْحّ نَن كُي، عَ تِنشِنيِ سْتْ عَلَ يَ عِ. عَ نَ لَ عَ رَ، عَ عَ قَلَمَ عَ دّ نَن نَ، عَ كِسِ سْتْ.

¹¹كِتَابُي عَ مَسٍنشِ، «مِشِ يٌ دَنشَنِيَ عَ مَ، عَ كَنيِ مُ يَافِمَ.»

¹²تَفِ رَ سَ يٌ مُ نَ يُوِقِيٍ نُن سِ فبّتّيٍ تَفِ. مَرِفِ كٍرٍن نَن نَ عٍ بِرِن بّ، عَ مَن مِشِ بِرِن كِمَ كِ قَنيِ رَ نَشٍيٍ نَ عَ شِلِ.

¹³عَلْ كِتَابُي عَ مَسٍنشِ كِ نَشّ، «نَشَن يٌ نَ عَلَتَلَ شِلِ، نَ كَنيِ كِسِمَ نّ.»

¹⁴كْنْ نَ كُي، عٍ نْمَ عَ شِلِدٍ دِ شَ عٍ مُ دَنشَنِيَشِ عَ مَ؟ عٍ قَ دَنشَنِيَمَ عَ مَ دِ شَ عٍ مُ نُ عَ شَ قٍ مّ؟ عٍ قَ عَ شَ قٍ مّمَ دِ شَ مِشِ يٌ مُ عٍ كَوَندِ مَ؟

¹⁵نَ كَوَندِ قَن تِمَ عٍ بّ دِ شَ مِشِيٍ مُ شّيشِ نَ قٍ مَ؟ عَ سّبّشِ، «شّيرَيٍ، نَشٍيٍ قَمَ شِبَارُ قَنيِ رَ، عٍ قَقٍ قَن كِ قَنيِ!»

¹⁶كْنْ بِرِن شَ مُ يِ شِبَارُ قَنيِ سُشُشِ، بَرِ مَ عَننَبِ عٍسَيِ عَ مَسٍن نّ، «مَرِفِ، ندٍ لَشِ مُشُ شَ مَسٍنيِ رَ؟»