تَرُشُي 25:10-24

¹⁰ثْلُ نَشَ عَ يَابِ، «ﭑ لَنمَ ﭑ شَ مَكِيتِ مَنفَسَنيِ شَ كِيتِ بَنشِ نَن كُي، ﭑ تِشِ دّننَشّ يِ كِ. ﭑ مُ قٍ كٌبِ يٌ رَبَشِ يُوِقِيٍ رَ. عِ قَن نَ كٌلٌن عَ قَنيِ رَ.

¹¹شَ ﭑ بَرَ قٍ حَاشِ رَبَ عَ لَنمَ ﭑ شَ قَشَ نَشَن مَ، ﭑ مُ تٌندِ مَ ﭑ شَ قَشَ، كْنْ شَ عٍ نَشَن قَلَمَ وُلٍ نَ عَ رَ، عَ مُ لَن مِشِ يٌ شَ ﭑ سٌ عٍ يِ رَ. مَنفّ شُنفبٍ شَ سَ ﭑ مَكِيتِ رْ مَ.»

¹²قّسِتُ تٌ وْيّن عَ رَ سِمَيٍ رَ، عَ نَشَ عَ قَلَ ثْلُ بّ، «عِ بَرَ وَ سِفَقٍ مَنفّ شُنفبٍ شْن. عَوَ، عِ سِفَمَ نّ.»

¹³شِ ندٍ تٌ دَنفِ، مَنفّ عَفِرِثَ نُن بٍرِنِسِ نَشَ سٌ سٍسَرٍ قّسِتُ شّيبُدٍ.

¹⁴عٍ تٌ بَرَ شِ وُيَشِ رَدَنفِ نَا، قّسِتُ نَشَ ثْلُ شَ قٍ قَلَ مَنفّ عَفِرِثَ بّ. عَ نَشّ، «قٍلِسِ بَرَ فٍيلِمَنِ ندٍ لُ بٍ.

¹⁵ﭑ نُ نَ دَرِ سَلَمُ تّمُي نَشّ، سّرّشّدُبّ كُنتِفِيٍ نُن يُوِقِيٍ قٌرِيٍ نَشَ عَ كَلَمُ، عٍ مَن نَشَ وَ عَ شَ قَشَ.

¹⁶ﭑ نَشَ عٍ يَابِ عَ رْ مَكَيٍ شَ سّرِيّ مُ مِشِ قَشَمَ، قٌ عَ شَ عَ فبٍ قَلَ كَلَمُسَيٍ بّ كِيتِسَ يَ شْرِ.

¹⁷نَ قٍ نَن عٍ رَقَشِ بٍ. ﭑ قَن مُ دُفُندِ. نَ كُيٍ عِبَ، ﭑ نَشَ دْشْ ﭑ مَ كِيتِ بَنشِ. ﭑ نَشَ يَامَرِ قِ عٍ شَ قَ نَ شّمّ رَ.

¹⁸كَلَمُسَيٍ تٌ عٍ دّنتّفّ، عٍ مُ قٍ حَاشِ يٌ قَلَ عَ شُن مَ، ﭑ نُ نَشٍيٍ مَحْشُنشِ.

¹⁹عٍ نُ شْرْشْمَ عٍ شَ دِينّ نَن مَ قٍ رَ، عَ نُن عِسَ شَ قٍ رَ. عٍ نَشّ عَ بَرَ قَشَ، كْنْ ثْلُ نَشّ عَ بَلٌشِ.

²⁰عَوَ، ﭑ تٌ مُ عَ كٌلٌن عَ لَن ﭑ شَ نَشَن نَبَ، ﭑ نَشَ عَ مَشْرِن شَ عَ وَ مَ سِفَقٍ دَرِ سَلَمُ، عَ شَ مَكِيتِ نَا.

²¹كْنْ ثْلُ نَشَ وَ عَ شَ قٍ شَنِنقٍ مَنفّ شُنفبٍ شْن مَ. نَ تّمُي ﭑ نَشَ يَامَرِ قِ عٍ شَ عَ كَنتَ هَن ﭑ عَ رَ سَنبَمَ مَنفّ شُنفبٍ مَ تّمُي نَشّ.»

²²عَفِرِثَ نَشَ عَ قَلَ قّسِتُ بّ، «ﭑ قَن وَ مَ ﭑ تُلِ مَتِقٍ نَ شّمّ رَ.» قّسِتُ نَشَ عَ يَابِ، «تِنَ، عِ عَ شُي مّمَ.»

²³عَوَ، نَ كُيٍ عِبَ، عَفِرِثَ نُن بٍرِنِسِ نَشَ سٌ مَلَن يِرٍ عٍ نُن تَا كُنتِفِيٍ. عٍ نُ مَشِرِشِ عَ قَنيِ رَ. قّسِتُ شَ يَامَرِ مَ، عٍ نَشَ قَ ثْلُ رَ.

²⁴قّسِتُ نَشَ عَ قَلَ، «مَنفّ عَفِرِثَ نُن وٌ تَن نَشٍيٍ بِرِن نَ بٍ، وٌ بَرَ يِ شّمّ تٌ يُوِقِ نَشَن بِرِن كَلَمُشِ ﭑ شْن دَرِ سَلَمُ نُن بٍ. عٍ نَشّ عَ عَ شَ قَشَ.