Пәнд-несиһәтләр 7:16-22

¹⁶Карвитимға Мисирниң кәштилик, йоллуқ либас япқучлирини яптим.

¹⁷Орун-көрпилиримгә хуш пурақ мурмәкки, муәттәр вә қовзақ дарчинларни чачтим.

¹⁸Келиң, таң атқичә муһәббәтлишәйли, ойнап һозурлинайли, Көңлимиз қанғичә өз ара әйш-ишрәт қилайли,

¹⁹Ерим өйдә йоқ, жирақ сәпәргә чиқип кәтти.

²⁰У бир һәмян пул елип кәтти, Ай толғичә у өйгә кәлмәйду» — деди.

²¹Аял көп шерин сөзлири билән раса қизиқтурди, Чирайлиқ гәплири билән уни әсир қиливалди.

²²Союшқа елип маңған өкүздәк, Һамақәт киши кишән билән җазаға маңғандәк, Қилтаққа чүшкән қуштәк, Жигит униң кәйнидин маңди. Җигирини оқ тешип өтмигучә, У бу ишниң һаятиға замин болидиғанлиғини һеч билмәйду.