ДЗЕІ 16:35-40

³⁵А як настаў дзень, ваяводы паслалі гарадзкіх служак сказаць: адпусьці тых людзей.

³⁶Ахоўнік вязьніцы аб'явіў пра гэта Паўлу: ваяводы прыслалі адпусьціць вас, дык вось, выйдзіце зараз і ідзеце зь мірам.

³⁷Але Павал прамовіў да іх: нас, рымскіх грамадзянаў, бяз суду прылюдна білі і кінулі ў цямніцу, а цяпер употайкі выпускаюць? не, хай прыйдуць і самі выведуць нас.

³⁸Гарадзкія служкі пераказалі гэтыя словы ваяводам, і тыя спалохаліся, пачуўшы, што гэта рымскія грамадзяне,

³⁹і, прыйшоўшы, перапрасіліся ў іх і, вывеўшы, прасілі пакінуць горад.

⁴⁰А яны, выйшаўшы зь цямніцы, прыйшлі ў Лідзію і, убачыўшы братоў, вучылі іх, і выправіліся.