Hechos 16:35-40

³⁵Cate' ba gwyeni' beṉe' gwnabia' ca' goseseḻe' x̱a'ag jaseže' ben' chap ḻižyan' yosane' beṉe' ca' šjaya'aque'.

³⁶Nach ḻe' gože' Pablon': ―Beṉe' gwnabia' ca' bac̱h goseseḻe' rson yosana' le'e. Guac yeyejle to šagüe' to güen.

³⁷Nach Pablon' gože' x̱a'ag ca': ―Ba goseyine' neto' latje lagüe ya'a sin cbi gosone' yeḻa' justis c̱heto' še bi nonto' na' gosegüe'e neto' ḻižya, ḻen nacto' beṉe' nación Roma. ¿Na' chesone' xbab yososane' neto' šižize? Bi gac, san yesid cuine' yesyebeje' neto'.

³⁸Nach x̱a'ag ca' jasyeyeže' beṉe' gwnabia' ca' can' gož Pablon' ḻegaque'. Na' beṉe' ca' besežebe' cate' goseṉezde' Pablon' len Silasen' zjanaque' beṉe' nación Roma.

³⁹Nach beṉe' gwnabia' ca' ja'aque' gan' zjade Pablon' len Silasen' na' gosata'yoede' ḻegaque' yesyezi'xene' can' ba goquen', na' diža' šagüe' gose'e ḻegaque' yesyechoje' yesyeya'aque' ḻo ciudan'.

⁴⁰Nach bechoj Pablon' len Silasen' ḻižyan' na' ja'aque' liž Lidian' da' yoble, na' da' yoble gosone' c̱hac̱h laže' beṉe' ca' chesonxene' Jesucriston' na' beyožen' besyeya'aque'.