Apostolo 16:35-40

³⁵I palala a hini, lakea a mari na nipelekado i rudu e huriki a tagari ri gi ta maea, “O bole tala na bavi e vikirua nga.”

³⁶Lakea a tagari na bavi i takia e Paulus, “A mari ni pelekado i taki muru gu pagitala. Ngane muru malaga, muru vano na nivalemu.”

³⁷Pali e Paulus i taki e huriki a tagari ri valai, i ta maea, “E huriki a mari ni pelekado a ngava i uka ma ri pelekado maria, pali ri lagu tavula maria na matane huriki lobo, muri ri ru dili maria na bavi. Pali maria a tahotanga ne Rom. A vinara i taki i uka ma ni gi lagu tavula a tahotanga ne Rom. Pali ngane ri ngaru miri gi vano kapiloho? I uka ma ge mavonga! O taki ria ri gi valai ri gi tuli tala maria.”

³⁸Lakea e huriki a tagari ri vano, ri vakalongo e huriki a mari ni pelekado. Na tahuna ri lohoka ne Paulus e Sailas rua a tahotanga ne Rom, ri mangenge.

³⁹Lakea ri lokovonga, ri ta dodo ne rua, ri tuli tala rua, ri taki rua ru gu pe a tanga ne ria.

⁴⁰Muri e Paulus e Sailas ru lakea na ruma e Lidia, ru vapopo turane huriki a kabukabu, ru vakatora a niluhoi ne ria, muri ru vano.