1Kosap sikesik usun lesor, pun kosap silei mine ewe rän epwe atoto.
2A öch eman epwe mwareituk, ika eman chon ekis, nge sap püsin en.
3Eföü fau a chou, pwal pi, nge ach osukosuk ren eman chon tiparoch a chou seni ekewe ruu mettoch.
4Song a fokun ngau, nge lingeringer a usun chök eu noter. Nge lolowo a fokun afeiengau seniir.
5A mürina om kopwe apwüngü eman le pwäpwäla lap seni om kopwe tongei eman, nge kosap pwäri ngeni.
6Atongeom a ekieki om feiöch, inamwo are a akinasok. Nge än chon oputom mitiruk esap let.
7Eman mi fokun möt a oput chönün chunen, nge mongö mi kipwin a annö me ren eman mi echik.