Än Salomon Fos 1:9-16

⁹Ekewe kapas repwe aöchü manauom usun chök epa mwärämwär won mökürom, ika epa mwärämwär fän üom epwe alingöchü inisum.

¹⁰Nei, are ekewe chon tipis ra atupuk, kosap tipeeu ngeniir.

¹¹Are repwe apasa, “Kopwe etikem, ousipwe op lon eu lenien op pwe sipwe niela aramas. Ousipwe rawangauei chokewe esap wor ar mwäl.

¹²Ousipwe oromanauerela usun ewe lenien sotup a oromala aramas pwe repwe usun chokewe mi feitiu lon peias.

¹³Sipwe küna chomong sokopaten pisek mi aüchea, sipwe amasoua imwach ren liapach.

¹⁴Kopwe etikem, nge sipwe inetöchfengen won mine sa soläni.”

¹⁵Nei, kosap chiechi ngeni ei sokun aramas, kosap etiir lon ar föför.

¹⁶Pun ra pwapwaiti le föri föför mi ngau, ra müttir ngeni nimanauei aramas.