Zinama Tumatumae 27:3-13

³Na patu si mamata, meke na onone si gua tugo, ba sa vina karikari tanisa tie pekipeki si mamata hola ni sari karua.

⁴Binugoro si ṉoṉovala meke tinaṉaziri si huhuara, ba esei boka va tia ia sa kono?

⁵Leana hola sa vari gegese vurai, hola nia sa tataru tomena.

⁶Na bakora koasa mua baere si leanana, ba balau ni sari hinapahapa sokudi tanisa mua kana.

⁷Asa pu ele deṉa si lopu kote hiva hena zipale, ba koasa tie oviana si sa pasana ba kote lomoso gunia sa.

⁸Guana kurukuru sapu koa va seu koasa nana vori sa tie sapu ene va seu pa nana vetu.

⁹Na lumu meke na oela humaṉa lea si va qetuna sa bulo, meke sa lineana tanisa mua baere si guana ginani lomosona.

¹⁰Mu lopu luara pania sa mua baere meke sa baere tanisa tamamu, meke lopu la pa vetu tanisa tasimu pana raza igo tinasuna, sa turaṉamu pa kalimu si leana hola nia sa tasimu pa seu.

¹¹Tuqu, mu gilae, mamu va qetua sa buloqu; pude qu olaṉi sarini pu zama va gore au.

¹²Sa tie balabala valeana si dogoria sa tinasuna meke tome; ba sa tie pupuhu si totoro la meke ta raza nia sa.

¹³Vagia sa poko tanisa tie pu va egoa pude lipua sa gale tanisa votiki tie; tuqe vekoa osolae lipua sa sa gale tanisa tie karovona.