Text copied!
CopyCompare
Paipel - Än Salomon Fos - Än Salomon Fos 27

Än Salomon Fos 27:3-13

Help us?
Click on verse(s) to share them!
3Eföü fau a chou, pwal pi, nge ach osukosuk ren eman chon tiparoch a chou seni ekewe ruu mettoch.
4Song a fokun ngau, nge lingeringer a usun chök eu noter. Nge lolowo a fokun afeiengau seniir.
5A mürina om kopwe apwüngü eman le pwäpwäla lap seni om kopwe tongei eman, nge kosap pwäri ngeni.
6Atongeom a ekieki om feiöch, inamwo are a akinasok. Nge än chon oputom mitiruk esap let.
7Eman mi fokun möt a oput chönün chunen, nge mongö mi kipwin a annö me ren eman mi echik.
8Eman aramas mi towu seni lenian a usun eman machang mi sü seni fasan.
9Noppuk me löpokus ra apwapwai leluken aramas, nge osukosuk a atai kinamwen aramas.
10Kosap likitala chiechiom me chiechien semelapom, nge kosap feila lon imwen pwiüm lon ränin om feiengau. Eman chon arum mi kan ngonuk a tongeni alisuk, lap seni eman pwiüm mi toau senuk.
11Nei, kopwe tipachem o apwapwai lelukei, pwe üpwe tongeni pälüeni ätewe mi aitengauaei.
12Eman aramas mi mirit a küna ewe feiengau mi feito o opola, nge ekewe chon wewemang ra chök feilong lon o feiengau.
13Kopwe angei üfen ätewe mi pwon pwe epwe mönätiu än eman wasöla liwinimang o amwöchü pwe asisilen an pwon ngeni eman chon ekis.

Read Än Salomon Fos 27Än Salomon Fos 27
Compare Än Salomon Fos 27:3-13Än Salomon Fos 27:3-13