Zinama Tumatumae 25:8-13

⁸Sapu dogoro nia agoi pa matamu si lopu tuturei paleke la nia pa vetu varipitui, ura sa si kote boka tavetia goi pa vina betona be va sosodea sa turaṉamu sapu sea si goi, meke va kurekure igo?

⁹Be tokea goi sa turaṉamu pa keke ginugua, si lopu va vura ia si keketoṉa ta tomena tana votiki tie,

¹⁰ba be kote avoso nia sa tie meke kote va kurekure igo, meke sa pozapoza kaleana tamugoi si kote koa hola.

¹¹Na zinama pa totoso gotona si tolava guana vinasari qolo pa peleta siliva.

¹²Guana vikuvikulu qolo babe na pakupaku qolo sa ginegese tanisa tie gilae la koasa taliṉa sapu okoro va avoso.

¹³Guana ibuna sa tototolo totoso pakepakete si sa tie ta ronuna sapu paleke inavoso, koa rini pu garununa.