AONEGA HEREVADIA 25:8-13

⁸Kara ta oi itaia vadaeni totona, kota dekenai do oi lao haraga lasi, badina dokona neganai edena bamona do oi karaia, bema oiemu badibadinai tauna ese oi do ia hahemaraia neganai?

⁹Oiemu badibadinai tauna sibona danu, emui hepapahuahu do umui herevalaia hebou, bona tau ta dekenai, oiemu badibadinai tauna ena hunia hereva do oi hamaoroa lasi.

¹⁰Badina unai hereva ia kamonai tauna ese, oi do ia hahemaraia, bona oiemu ladana be do ia dika noho, ela bona nega ibounai garina.

¹¹Hereva maorona gwauraia namonamo karana, be golo herahera siliva bosea latanai bamona.

¹²Bema aonega tauna ena sisiba hereva, be tau ta ese ia kamonai henia neganai, unai hereva be golo rini o golo herahera gauna ta bamona.

¹³Hereva mailaia tauna namona ese, iena biaguna ena lalona ia hamatamataia lou, ranu keruma ese uma anina idia utua taudia ia hanamoa bamona, idia siahu bada neganai.