ZABURA 85:1-11

¹Kora burinↄ lɛ̀ɛ. N arubarikaa dà n bùsun, Dikiri, n su kũ Yakubu burinↄ ń gwena zĩn.

²N n gbɛ̃nↄ taarinↄ gòḿma, n ń durunnanↄ kɛ̃̀ḿma pínki.

³N n pↄ kpã̀kpãa tò pínki, n n pↄfɛ̃ pãsĩ tò.

⁴Ǹ su kũoo ó gwena zĩn, Luda ó Surabari, ǹ pɛ̃tɛ̃ kũ n kɛ̀ kũoo lago.

⁵N pↄ nigↄ̃ fɛ̃nawái gↄrↄ sĩnda pínkin yá? Ĩnigↄ̃ n pↄfɛ̃gↄrↄ gága wɛ̃̀ kũ wɛ̃̀ɛon yá?

⁶Ĩni ɛra ǹ n gbɛ̃nↄ kunna kɛkɛ ǹ kɛńnɛ dↄ, de ń pↄ le à kɛmma nnaroo?

⁷Dikiri, ǹ n gbɛ̃kɛ mↄwɛrɛ, ǹ ó sura ba kũ n gbãnao.

⁸Ma sã dↄ Dikiri Luda yã'onaaa, zaakũ àdi aafia lɛ́ sɛ́ a yãmarinↄnɛ, tó odi ɛra ò sù ń yↄ̃̀nkↄyãnↄaro.

⁹A vĩnakɛrinↄ surabanaa gↄrↄ zã̀ro, de a gakuri le àgↄ̃ kú ó bùsun yãi.

¹⁰Gbɛ̃kɛ kũ náanio dì dakarɛ, yãzɛde kũ aafiaao dì ↄ kpákↄ̃a.

¹¹Náani dì ↄ poro musu, yãzɛde dì ↄ nↄnↄ zĩtɛ.