ZABURA 78:37-48

³⁷ń swɛ̃̀ kúaro, ò a bàka kunna kũńwo yã gbòro.

³⁸Àpi sↄ̃ à ń wɛ̃nda gwà, à ń durunnanↄ kɛ̃̀ḿma, adi ń kakatɛro. Àdigↄ̃ a zĩda milɛ ble baala'i, àdi a pↄfɛ̃kipammana ↄ lago.

³⁹À ń bisãsirikɛ dↄ̃̀ḿma, kũ òdi gɛ̃tɛ sunaa sari lán ĩa bà.

⁴⁰Ò sãgbãna kɛ̀nɛ gbárannan gɛ̃̀n ũgbangbaa! Ò a pↄ yàkanɛ sɛ̃̀ntɛ gwe à kɛ̀ dasi.

⁴¹Ò Luda lɛ̀ ò gwà, ò Luda lɛ̀ ò gwà, ò Isarailanↄ Luda kũ à kú adonaa fɛ̃̀.

⁴²A iko gbãna sã̀ńgu, lákũ à ń sí ń ibɛrɛnↄa nà,

⁴³lákũ à daboyãnↄ kɛ̀ Misila nà, akũsↄ̃ à yãbonsarɛnↄ kɛ̀ Zoã bùsun.

⁴⁴À ń swa ínↄ lì aru ũ, akũ odi fↄ̃ ò a í mì doro.

⁴⁵À ífĩninↄ kàńgu, ò ń soso, kũ kaso kũ ò kisira kpàńyĩnↄ.

⁴⁶À tò kwanↄ ń bú pↄ́blewɛnↄ blè, à sutɛ̃nↄ kà ń burapↄnↄn.

⁴⁷À tò legũgbɛ ń geepi líkpɛnↄ kɛ̀ búgubugu, zàga'ĩa ń kaka línↄ ɛ̀'ɛ.

⁴⁸À ń pↄ́kãdenↄ kàkatɛ kũ legũgbɛɛo, sura pɛ̀tɛ ń kpàsanↄa.