ZABURA 71:16-20

¹⁶Mani su mà n zↄ̃kↄ̃kɛyãnↄ o Dikiri Luda n mɛ̀n do manakɛn mani da gbɛ̃nↄnɛ.

¹⁷N yã dàmɛnɛ zaa ma kɛfɛnnakɛgↄrↄa, Luda, ari tera matɛni n yãbonsarɛnↄ o'o.

¹⁸Bee kũ ma zĩ kũ̀, ma mìkã pura, ǹsun ma tónlo, Luda, de mà le mà n gbãna baba teradenↄnɛ, mà n gbãnakɛyã da gbɛ̃ kũ òtɛn futɛnↄnɛ ń pínki.

¹⁹Luda, n manakɛnaa zↄ̃̀ susunɛnↄa, n yã zↄ̃kↄ̃ↄ kɛ̀, dín oni lɛkↄ̃a kũnwoo?

²⁰N tò wari pãsĩ ma le dasidasi, ama ĩni ɛra ǹ ma gba wɛ̃̀ndii dↄ, ĩni ɛra ǹ ma bo zĩtɛ.