ZABURA 45:5-13

⁵Kí, n kànↄ lɛ́ sↄ̃ntɛ, àdi gɛ̃ à n ibɛrɛnↄ swɛ̃̀ zↄ̃, burinↄ dì lɛ́tɛ n gbá sarɛ.

⁶Luda, ĩnigↄ̃ vutɛna kpatan gↄrↄ sĩnda pínki, ĩnigↄ̃ n kíkɛgo kũna yãzɛde ũ.

⁷Ń ye yãmanakɛnaai, n zã a yãvãnikɛnagu. À yã mɛ́ à tò Luda, n Luda, n ka kín, à pↄnna pìsimma de n gbɛ̃nↄla.

⁸Lí'ↄ gbĩ nnanna pìsi n pↄ́kasanↄa, mↄrↄ'ũ dì n pↄ kɛ nna n kpɛ́ kũ ò kɛ̀kɛ kũ wisa sakaao gũn.

⁹Kína nɛ́nↄgbɛ̃nↄn kú n nↄ yenyĩdenↄ tɛ́, n nↄ dufu kú n ↄplai, à Ofi bùsu wurapↄnↄ dana.

¹⁰Nɛ́nↄkpare, ǹ sã kpá ǹ ma! N de bɛ kũ n gbɛ̃nↄ yã sún donnɛ arɛro.

¹¹N nↄmanakɛ tɛn kína mɛ̀ɛ luka, ǹ mì natɛnɛ, zaakũ n dikirimɛ a ũ.

¹²Tayadenↄ ni su ò gba dannɛ, aruzɛkɛdenↄ ni n wɛ́ wɛtɛ.

¹³Kína nɛ́nↄkpare vutɛna kpɛ́nɛ gũn kũ gakurio, ò ↄzĩ kɛ̀ a pↄ́kasanↄa kũ wura bàao.