ZABURA 19:6-13

⁶Àdi futɛ ludambɛlɛa la, àdi bikũ à gɛ́ ari a lɛ́a dire, pↄ́ke dìgↄ̃ utɛna a puusuiro.

⁷Dikiri doka papana, àdi ń kunna kɛkɛ à kɛńnɛ dↄ. Dikiri yã náani vĩ, àdi lɛ́ da ↄ̃ndↄ̃saridenↄa.

⁸Dikiri dì ↄdↄki dↄńnɛ súsu, àdi ń pↄ kɛ nna. Dikiri yãditɛnanↄn gbãsĩ vĩro, àdi ń ãn wereńnɛ.

⁹Mìnatɛna Dikirinɛ zɛ́ pì wɛ́bona, onigↄ̃ tɛ́i gↄrↄ sĩnda pínki, Dikiri yãkpatɛkɛna yãpura vĩ, àdigↄ̃ mana swáswa.

¹⁰A mana de wurala, bee wura mana, a nna de zↄ́'ila, bee zↄ́ búsu.

¹¹Abire musu ndì lɛ́ da makũ n zↄ̀bleriia, gbɛ̃ kũ à n yã kũnaa àree dìgↄ̃ zↄ̃kↄ̃.

¹²Dí mɛ́ ani fↄ̃ à yã kũ à zã̀anↄ dↄ̃ↄ? Ǹ sùru kɛ kũmao kũ ma taari kũ ò utɛnanↄ.

¹³Ǹsun tó makũ n zↄ̀bleri taari kɛnnɛ gbĩnigbĩniro, ǹsun tó durunnanↄ kí blemaro, manigↄ̃ kun swáswa taari zↄ̃kↄ̃ sari.