YOHAAN 21:1-5

¹’Ko’di mii yansan mo tani aYesus a’di ṯorki is piti eya tente/ doḵ/e e imanciḵ a’di gwo e shemen ma Al ma Thabariyya mo, dhali a’di ṯorki is piti wakansan mo be.

²Simaan Buṯerus dhala Ṯuuma a’di jin yuḵkunu ka A’ci jin dhodhu isu/ mo dhala Naṯẖana/iil gi Paŋ Kaana e Pany Jaliil mo, dhali iya/ ma Sabadi isu/ mo dhali imanciḵ a’di gwon tiya isu/ mo, uni ’kon mmonṯal ’de/ mo be.

³Simaan Buṯerus ki o uni gwo mo ki: Aha/ yana ya mo mmocesh to yi’de/ mo. Dhali uni ki o a’di gwo mo ki: Aman mina ii nyaḵki /e mo. Uni iikin mo dhali se bwaaḵur mo. Hili ki mon’thiny c̱aan mo tani uni ’koki bu’th toŋ kamu/ mo be.

⁴Me’d jin ḵala mo kush mo tani Yesus doshki’d e shemen ma gap̱ mo. Hili imanciḵ a’di gwo ’koki mish ki a’di ta’da Yesus mo.

⁵Yesus ki o uni gwo mo ki: Uc̱iya, a/um ta gi to yi’den tiya ’te/ tana? Uni thoḵ a’di gwo mo ki: Yisa.