Nsãa 21:1-5

¹Ku huoŋgu-na, Yesu *hãalãbiemba namba tiraa da-yo dii Tiberiyadi dalaŋga-na. Baŋ daa-yo dumaa ku yaa daaku:

²Simɔ-Piɛr, baa Toma maŋ ba naŋ bĩŋ-yoŋ Pĩɛbaa-ba‑i, ba waa yiiŋgu naŋgu-na baa ba-naa, a naara Natanayɛl maŋ taa u hel Kana nelle-na dii *Galile mara‑i-na, baa Sebede bɛpuɔmba‑i a naara hãalãbiemba namba ba hãi.

³Simɔ-Piɛr wuɔ gbɛ̃-ba wuɔ: «Mɛi taara da mi ka naŋ juɔŋo.» Baa cira: «Miɛ fɛrɛ‑i i ka kã baa-ni.» Ba taa ku yaa‑i, ku waa isuɔŋgu, kã ka suur beŋo-na a naŋ juɔŋo‑i da suu, ba saa da bĩŋkũŋgu bel.

⁴Kuŋ juɔ ta ku kaala huɔŋgu maŋ nuɔ‑i, baa da moloŋo naŋo yiɛraaya bomborma-na; ŋga ba saa suɔ wuɔ Yesu yaa‑i.

⁵Yesu wuɔ cira: «Mi jɛ̃naaŋ namaa, na daa bel wɛi?» Baa cira: «I saa da bĩŋkũŋgu.»