Yaburina 75:1-10

¹Asafi a bɛtina, bɛti baane kuntigin xa, a xa ba alo bɛtin naxan xili, “I Nama Halagin Ti.” Sigi sariɲanxina.

²Ala, nxu bata i tantun. Nxu i tantunma han! Nxu i maxandima i xinli, nxu yi i ya kabanakone fe fala.

³I naxa, “N bata kiti sa lɔxɔn sa. N kiti faɲin sama nɛn.

⁴Bɔxɔn xuruxurunma waxatin naxan yi, a niimaseene birin yi xuruxurun, n tan nan a san bundɔxɔn xɔdɔxɔma ayi ken!

⁵N bata a fala wasodene xa, ‘Ɛ nama ɛ yɛtɛ yigbo!’ N bata a fala muxu ɲaxine xa, ‘Ɛ nama ɛ kanba ɛ sɛnbɛn xɔn!

⁶Ɛ nama ɛ kanba ɛ sɛnbɛn xɔn kore xɔnna xili ma! Ɛ nama waso falane ti!’ ”

⁷Amasɔtɔ xun mayɛngɛn mi kelima sogeteden binna xan na hanma sogegododen binni hanma burunna ra.

⁸Ala nan kitin sama. A yi nde yalagi, a yi nde yoo sa.

⁹Amasɔtɔ igelengenna suxi Alatala yii, a rafexi a xɔlɛn na alo dɔlɔ xɔdɛxɛna. A a xɛlɛma nɛn, muxu ɲaxine birin yi a min han a ɲan.

¹⁰Koni n na a fe falama nɛn bɛtine yi habadan! N yi tantun bɛtin ba Yaxubaa Ala xa!