1Dawudaa bɛtina, bɛti baane kuntigin xa. A xa ba kondenne ra.
2Ala n ma mawuga xuiin mɛ. I tuli mati n ma maxandi xuiin na.
3N yigitɛgɛxin bata n xui ramini i ma wulani. N xali na geyaan fari naxan mate n xa.
4Amasɔtɔ i tan nan n yigiyaden na, e nun yinna naxan n natangama n yaxune ma.
5N waxi lu feni i konni waxatin birin yi. N xa luxunden sɔtɔ i gabutɛne bun ma.
6Ala, i bata n dɛ ti xuine mɛ. I bata na kɛɛn so n yii i naxan namaraxi i ya yɛɛragaxu muxune xa.
7Ala xa mangan siin xun masa, a xa bu han!
Yaburina 61
Yaburina 61:1-7