Psalms 61:1-7

¹(David ko wur) O Kaem, de gurugu ale aninga guranek ewere ikiko.

²Ani wonong iwareng bo awar biya wore te baga se, saonga bo taikko lage bo am mena biya se ani nika arusam, ni ani agarak nama manga bo kalel biya owore awote aga patawu bitarko.

³Mu awuk, ni aninga manga gek am se aga lauta aora; se kari memek me ta aga maguwumonko.

⁴Aga angamang mu nika sasal ningi kerak pempem la baga se lagarikko; se ni tarak nuam ko luman te gotek nunga ira kaluwuso iwita, aga ira kaluwurko.

⁵O Kaem, ni aninga den kerak balu saperem mu ni ikiem; ale ali mel suen la, awiriya ni iki karo kisisan se nungarem, mu ni agotala aisem.

⁶Ni marak sokel ani aisu se ani king ko, tom maiya biya ali imi te baga se aga imas bitir kapa se lagarukko.

⁷Se ani nika bitua bowa ningi butata king ko baga se lagarikko; ni pempem la ka kua aisa, kumik menara mena, mu ko munan te aga bitaruko.