Yaburina 139:2-13

²I n sa waxatin nun n keli waxatin birin kolon. Hali i makuya n na, i n ma miriyane birin kolon.

³I a kolon n nɛma sigatini hanma n nɛma saxi, i n kɛwanle birin kolon.

⁴Alatala, benun n xa falan ti waxatin naxan yi, n naxan falama i na kolon ki faɲi.

⁵I n nabilinni, n yɛɛ ra e nun n xanbi ra. N ni i tan nan yii.

⁶Na fe kolonna magaxu n tan yɛɛ ra yi. A dangu n na, n mi nɔɛ a yigbɛ mumɛ!

⁷N nɔɛ sigɛ minɛn, n yi n luxun i ya Nii Sariɲanxin ma? N sigan minɛn yi, n keli i tan yɛtagi?

⁸Xa n te ariyanna yi, i na yi. N na siga laxira yi, i na yi.

⁹Hali n siga han sogetedeni, hanma n sa dɔxɔ fɔxɔ igen xanbi ra,

¹⁰i tima nɛn n yɛɛ ra mɛnna fan yi, i mi n nabeɲinɲɛ mumɛ!

¹¹Xa n na a fala, n naxa, “N xa n luxun dimini. Kɛnɛnna xa findi kɔɛɛn na n nabilinni.”

¹²Koni sese mi dimin na i tan yɛɛ ra yi, kɔɛni yalan alo yanyina i tan yɛɛ ra yi. Dimin nun yanyin birin lan i tan xa.

¹³I tan nan n sɔndɔmɛn daxi, i tan nan n saxi nga fatini.