Sam keil 139:2-13

²Kokilea inau navong narondan ka navong namea. Kokilea vasin rendemien keil onak, avaseini koro soutin.

³Kokilea inau navong namual ka navong namuseh. Kokilea revi sakien keil onak.

⁴Navong narselustei veah, keik, Iahova, kokilea selusien vasi keil onak tuai.

⁵Keik kovi vieh koa mul en usite vasi keil onak, ka ral min keihoen onom, koring koe moulien onak.

⁶Navong namundem usil tounah keil koa komumoni en usite onak, ileilien enek mariso ramat, ka nasakras mailea vasi.

⁷?Munak nihit malohosai ran Ninin onom, nakilea maha en out kave? ?Out kave niha ien koa keik kormultei ien? Out tovuol.

⁸Munak nimat ka niha en out nesa, keik komul ien tuai. Ka munak niha en out ten matien en huinev ten atan, en out enek emun, inau nilesuk.

⁹Munak nakilea maka vaha vio … matokol out koa meteiai kistal ien, vuo maha en out koa va munu ien,

¹⁰en out keilu enek emun, komul mulamu enau ka komul katau enau. Veni komul ien tuai keke kovakataun inau vatal min keihoen koa mul en hem.

¹¹Munak namundemi navit mankoli kilea vaav koe inau, vuo nakilea mahiles meneai vamai vahi vongien, nasakras mato suai ranuk.

¹²Nasakras, veni vongien rovitei mankoli enuk. Anatin, en metom, vongien rovopolitei, ka mankoli suval meneai enges.

¹³Vi keik, Ahi, koa komum vasin avek. Navong namul semau en vangen mama onak, keik komumon inau.