Yabura 17:6-15

⁶Ala, n i xilima nɛ, barima i yaabi fima mixi ma. Yandi, i xa i tuli mati n ma maxandi ra.

⁷I xa hinnɛ muxu ra, i tan naxan mixie rakisima e yaxuie ma, naxee yigiya fenma i ra.

⁸Mɛɛni n ma alɔ i ya firinyie. N nɔxun alɔ tɔxɛyɔrɛ naxan a nɔxunma a nga gabutenyie bun ma.

⁹Na na a toma, mixi ɲaaxi naxee n nabilinxi, e mu nɔma n na.

¹⁰Yɛtɛ igboe nan e ra, e dɛ igbo.

¹¹E bara fa n fɔxɔ ra yakɔsi, e n nabilin, e alako e xa n faxa.

¹²E luxi alɔ yɛtɛ naxan sube fenma, alɔ yɛtɛ kaamɛxie naxee gbataxi sube faxade.

¹³Alatala, keli! N yaxuie gere, i xa nɔ e ra. N natanga mixi ɲaaxie ma i xa santidɛgɛma ra.

¹⁴N natanga na duniɲa mixi mɔɔlie ma, naxee e masundi sɔtɔma yi duniɲɛigiri gbansan kui. E raluga na masundi ra, i naxan nagataxi e bɛ. E xa die fan xa wasa na ra, a dɔnxɔɛ xa lu e xa mamadie bɛ!

¹⁵Kɔnɔ n tan fama nɛ i yatagi tode tinxinyi saabui ra. N na xunu, n wasama nɛ i yatagi ra.