Psalm 17:6-15

⁶I likwiri ong komui, Maing Kot, kom kotin mangi ia, o kapaike dong ia karong omui, o kotin ereki ai kapakap.

⁷Kom kotin kasaleda omui kalangan kapuriamui, pwe pali maun omui sauas pan ir, me kin liki komui, ong ir me palian ir.

⁸Sinsila ia dueta por en mas eu, o kotin pera kin ia mot en lim omui,

⁹Mon me sapung kan, me men kawe ia la, mon ai imwintiti, me kin kapil ia pena.

¹⁰Re kin kapiridi mongiong arail; o sang nan au arail re kin lokaia aklapalap.

¹¹Wasa se kin kola ia, re kin kapil kit pena, mas arail kin masamasan, pwen kase kit di ong nan pwel.

¹²Dueta laien amen, me inong iong manga, o dueta laien pul amen, me wonon nan wasa rir.

¹³Maing, kom kotida, kaloedi o kanamenokla i; dorela maur i sang me sapung kan ki omui kodlas,

¹⁴Sang ren aramas akan ki lim omui, Maing Ieowa, sang ren aramas en sappa wet, me pwais arail ni maur et; kom kotin kadire kila kaped arail omui dipiso kan, me nairail seri ol me toto, o nairail akan me pan sosoki luan arail kapwa.

¹⁵A i pan ariri silang omui ni ai pung, o i pan medikila mom omui ni ai pan pirida.