Y Salmo Sija 17:6-15

⁶Jagasja juagang jao, sa jago unope yo, O Yuus: naegueng guiya guajo y talangamo, ya jungog y sinanganjo.

⁷Fanue ni y minaasemo ni namanman, jago na unnalibre y umangoco sija guiya jago, guinin y ayosija ni mangajulo contra y agapa na canaemo.

⁸Adaje yo, taegüije y atilong y niñon mata, naatog yo gui papa y anineng papamo,

⁹Y menan y manaelaye ni y jumojoño yo: y gostaelaye y enimigujo ni majijujute yo.

¹⁰Manmaafuyot ni y linedoñija: ya y pachotñija cumuecuentos sobetbio.

¹¹Y pinecatmame nae maoriyayejam pago: japolo y atadogñija para ujayutejam gui tano.

¹²Taegüije y león ni y gosmalago ni y naña: ya y león diquique ni y gaegue gui saga na umaalog.

¹³Cajulo, O Jeova, polo jao gui menaña, yute papa: libre y antijo gui manaelaye nu y espadamo.

¹⁴Gui taotao sija nu y canaemo, O Jeova, gui taotao ni y iyon tano, ayo na güinajaña gaegue gui estisija na jaane: ayo y tiyanña unabula nu y tesorumo: sija manjaspog y famaguon, ya polo y sebla y güinaja gui mandiquique na patgonñija.

¹⁵Guajo, yan y tininas julie y matamo: najong yo anae magmata yo gui pinarejumo.