SAAMUNƆ 17:6-15

⁶Mɛ́ɛ lɛ́ zuunzi, zaakɛ nɛ́ wemala. Luda, ǹ swã kpá ma aduakɛnazi.

⁷Ǹ n gbɛ̃kɛ bↄnsaɛ yã kɛmɛ, ǹ gbɛ̃ kɛ̀ aↄ̃ nànziinↄ bↄ ń ibɛɛnↄ ↄzĩ.

⁸Ǹ làakari dↄma lán n wɛ́ɛnɛ bà, ǹ ma sↄtↄ n ↄru.

⁹Ǹ ma sí gbɛ̃ zaaa kɛ̀ aↄ̃è ĩa damaanↄa, ma ibɛɛ kɛ̀ aↄ̃ↄ liganamazii pìnↄ.

¹⁰Aↄ̃è gbɛ̃ke wɛ́ɛ gwaro, aↄ̃ lɛ́ è ĩadãyã o.

¹¹Aↄ̃ pɛ̀ɛma wà lìgamazi, aↄ̃ wɛ́ɛ bìima lɛ wà e wà ma pãɛ tↄↄtɛ.

¹²Aↄ̃ↄ yezi wà ma kɛ gyáigyai lán músu nↄadɛri è kɛ nà, lán músu kɛ̀ naɛna gusaɛ bà.

¹³Dii, ǹ fɛɛ ǹ dańlɛ ǹ ń nɛ, ǹ ma sí gbɛ̃ zaaanↄa kↄ̃n n fɛ̃ɛdaao.

¹⁴Ǹ ma bↄ ń ↄzĩ kↄ̃n n gbãaao. Aↄ̃ baka kú anduna kɛ̀kii guu, aↄ̃ auziki ègↄ̃ dińzi, aↄ̃ nɛ́nↄ è kã, aↄ̃è pↄ́ kɛ̀ dìńzinↄ káɛ ń nɛ́nↄnɛ.

¹⁵Mapi sↄ̃, mɛ́ wɛ́ɛ sinlɛ ma nↄ̀sɛ maaa yãnzi, tó ma n e ma fɛɛgurↄ, beee é mↄ́ma.