Tukpɔɠaaleʋe Nuiti 1:9-13

⁹Naa ʋoluma, ti liini ti kɔɔi ʋɛɛ Kanaan nuiti ba, niiti ti ɠɛni zeini gize yooi zu, ta lɛkpɛmaʋɛ nu yeezazuʋɛ yooi zu, ta ziɛlaʋɛ ma nɛmɛi zu.

¹⁰Zuda nuiti ti kɔɔi ʋɛɛni Kanaan nuiti ba, niiti ti ɠɛni zeini Ɠeeɓelɔn, nii daaseigi ɠɛni mɔungi ga Kiliyate-Aaleɓa. Ti zobo sɔlɔɔni Seesayi nuiti ma, ta Ayiman nuiti, ta Talemayi nuiti.

¹¹Ti zeɠeni miná, ti li ti Deɓiil nuiti sakpe. Mɔungi, Deɓiil laaseigi ɠɛni ga Kiliyate-Seefɛɛl.

¹²Kalɛɓe ɠɛni ma: «Nà dòun anzanui Akesa ve naama nui ʋɛ ga anza, nii a Kiliyate-Seefɛɛl zakpe, é so.»

¹³Kalɛɓe deɠei Kenaze ná-doun zunui Wɔteniyɛle ɠa é ná zoni. Kalɛɓe ná-doun anzanui Akesa veeni bɛ ga anza.