Tinata Valavalar 29:1-9

¹Nina ba di vala pit ia ma i pue ngangar ika, Na virua vakaian, ma pa da valaun valar pa ia.

²Ba ra umana tena takodo dia tavua, a tarai dia gugu; Ma ba ra tena varpiam i vatur vake ra varkurai, a tarai dia oir.

³Ba tikai i mainge ra dovotina i vagagane tamana, Ma ga nina i laure ra umana igoro na vavina i vole vue kana tabarikik.

⁴A king i mal vapadikat ra gunan ma ra bo na varkurai, Ma ga nina ba i vo pa a vartabar i pukue vakaina.

⁵Nam ra tutana ba i manane vavaongo talaina I pale ra ubene ure ra kauna.

⁶A kun i ki ta ra varpiam kai ra tena varpiam, Ma ga ra tena takodo i kakailai ma i gugu.

⁷A tena takodo i nuk pa ra magit kai ra umana luveana; A tena varpiam pa i kapa ra nuknukina upi na nunure.

⁸A umana tena varkulumai dia vautunge ra pia na pal, Ma ra umana tena kabinana dia tigal valar pa ra kankan.

⁹Ba tika na tena kabinana dir varngangar ma ra lunga, Ba i matana kankan ba i nonganongon, i varogop uka, pa i ngo ra varngangar.