Tinata Valavalar 18:12-18

¹²Lua ta ra vinirua ra nuknuk i ra tarai i malamala ngala; Ma ra kini vovovon i lua, namur ra variru.

¹³Ba tikai i tata balbali ma pa i valongore boko ra tinata, I da ra magit na papaua ma ra vavirvir pirana.

¹⁴A tulungea i ra tutana i puak pa kana binilua, Ma to ia na puak pa ra tulungea i nina ba i tabun?

¹⁵A bala i ra matotono i varurue ra kabinana, Ma ra talinga i ra tena kabinana i titatikan upi ra minatoto.

¹⁶A vartabar kai ta tikai i mal are kana nga, Ma i ben pa ia ta ra luaina mata i raumana ngala.

¹⁷Ba tikai i lua ma ra tinata na vartakun, di biti ba kan i takodo, Tuk tar nam ba kana ebar i vut ma i tir ia.

¹⁸A padapadailam i vango ra varngangar, Ma i varkurai livuan ta ra umana luluai.