Thempu Dan 14:42-57

⁴²Natpi bena song kikhoh dohchengse nung jeng a jong adangakoilut kit uva, inloi nam na chualah a aloinam kit ding ahi.

⁴³Ibangkhat a natpi bena songjouse alah doh a asuhtheng jouahilou le aloinam jounung jingajong insung a chu natpi akithe jahkit nah laija ahile,

⁴⁴Thempupa che a agavet lhahkit ding; natpi mong mong ahiainsung a chu ana kithe jah kit tahle hitabang natna chu mihem tiphahnatna phaloutah insung hung lutahitan, hiche in chu athenglou ahi tai.

⁴⁵Amapan jong hiche a in chuaphetlhah jeng ding, ain a song holeh thing ho chule in vai kijutnahojouse jong aphit ngimsel a, hichehojouse chu khopamlam munsanglaidiu khat a agahthah mang ding ahi.

⁴⁶Hiche jouse nung a jong hi ainhi athenglouva kikoi kotpi kikamdensa ahin, koi hile kotpi kikamsung a lut kha aum le nilhum keijaatheng louva um jing ding ahi.

⁴⁷Koi hile hiche insung a imukhapen pen jong chun aponsilakisop lha a, insung a an nekha penpen injong aposil hojouse akisopthengsel ding ahi.

⁴⁸Ahinlah Thempupan ahung vetlhah kit a natpi chu insung kijutnamlai hoa ana kithe jah tah hihlevang, hiche a chu thempupan jongain chu athengtai tia aphon doh dingahiye. Ajeh chu hiche natpi akonnachu damna chang ahi tai.

⁴⁹Hiche insuh theng nadia chuvahcha ni agakimat ding, cedarthing, ponsan dup le hyssop ponahin choitha ding,

⁵⁰Vachate ni lah a khat pen chutuilong chung a leibel sung a atha a,

⁵¹Cedar thing le hyssop pon, ponsan dup jaona a vacha ahingnalaichutohahinchoiding, hichengse chu tui long chung avacha kithat thisan lah achu akoilut ding, ain chu thisan a velsagi jenathin khum ding ahiye.

⁵²Hitia chu ain vacha thisan tohtwi theng jaona a, vacha hingchutoh, cedar thing ahin, hyssop pon, ponsan dup jaona a asuhtheng ding ahi.

⁵³Chu jou teng le vacha hing chu khopi sung akonna gamlah lang a alha mang ding, hichea chu insuh theng nale thoina asem ding, chuteng inchu atheng a um ding ahi, ati.

⁵⁴Danthu hi mihem tiphah natna vei chung chang a bolding dan hihen, Tithah hihen,

⁵⁵Ponsil le chen hihen chule inchung a hung chu jeng phahnat na chung chang hile,

⁵⁶A pomdoh ham, adul doh ham, aboldoh hi jong le,

⁵⁷Hicheng jouse chu agomsoh a ding ahitan, atheng ding ahitai, ti photchet nadia dan thu chu ahiye. Mihem tiphah natvei na chung chang a dan thu chu ahi.