1Chule Nadable Abihu, Aaron chateni chun meibomchu akilah lhon tan, asung achun mei atih kou lhon in, gimnamtui jong akoilut tha lhon tan, Pathenthupeh loubeh in achon lhon tai, then na beihel khop in Pathenangsung achun hiche gimnamtuichu ahal lha lhon tan ahi.
2Chu in Meikong hat tah Pathenakon in ahung kou doh jeng tan Pathen angsung achun ani lhon inthina atoh lhon tan ahi.
3Mose’n jong Aaron heng a aseipeipeh in, hiche hi ahi Pathen in anathupeh Keima heng lam hin nailutchan chu Keima jong thengsel akakimu sah ding, chitin namtin anga choi at a ka um ding ahi. Hiti chun Aaron jong thip chet in aumtai.
4Uzziel chapate ni Mishael le Elzaphan chu Aaron in akou lhonin ajah lhona hiti hin aseipeh lhontai, muntheng sung a hung lut lhonin nasopite ni longdam sa hi polangngah mun khat a gathah doh lhontan ati.
5Chuin ama nin muntheng achunasung lha lhon in, Mose thupehbang in asopi teni longdamsa chuasang khol len achun akhu lhontan polang ngahmun achun apodohlhon tan ahi.
6Mose’n jong Aaronahinachapateni Zar chule Ithamar henga hiti hin aseipeh tai, na jangtelsam uchu tomlou a na put lou heldiu ahiye hitia chu na ponsil jeng ujong na ke sah lou diu, hichu nanitlou uva ahile thina na chan jeng theiu ahi, chugoh hi louvin na khopisung uva jong lunghan na kibunglha thei ahi. Pathen lung han na aso jah khah a ahile Israel chate jouse
7Kikhop khomna ponbuh kot bulchu jabol un lang khokal hih hel un, hiche jong chu nanit lou uva ahilethinan na phah ding u ahi, ajeh chunangho jouse hi Pathen adia thaonuchang na hitauve. Mose’n athupehbang bang u chun achon tauvin ahi.
8Pathen in Aaron heng ah hiti hinjong aseipeh kit tan,
9Kikhop khomna pohbuh sung lamnalut ding uva ahileh, Na chapatejouse ahin chule nang ma tah nahinnaboncha uva ju leh khamna theikitiphot nadon theilou ding u ahiajeh chu thina na chan jeng theiu ahie; hicheng se hi na khangnakhang uva na jui diuva thupeh ahi.
10Thil theng le thil ijakai athenglouhose chu na chom khen soh kei diu, atheng le atheng lou chu koikhenjidan nathep u ngaija ahi.
11Hiche jeh’a chu Pathen in Isarelchate jouse Mose mang cha aathusei jouse nun le khan ding danchengse chu phatah a na seipeh sohkei ding u ahi tin a sei peh tai.
12Chuin Aaron chapa teni Eleazarle Ithamr a-dam nalai teni jah chun Mose’n hiti hin a sei peh lhon in, Pathen adia lhosohga maichamthilto amoh chengse chu chom tupunlang, chol bei in maicham phungkom achun netauvin, hichu thiltheng lah a achung nung pen ahi tai.
13Hiche hi muntheng lai khat nanehding u, ajeh chu hiche hi Pathen adia pumgo maicham govam dinga thilto lah a kon a kihom khen nachapate’u jana a nangho a dia a itih a kichom koi chu ahi. Hiche hi ahi keima tah thupeh ahi.
14Hinlah ana kithenso sa oplhangle sa amal anakitoh doh sa chuna chapate jouseu le na chanutejouse’u janan muntheng lailungkhat a na neh khom ding u ahiye. Hicheng sese chu Nangho jousechule Israel chate jousen chamnamaicham thilto kilhaina gancha thachu ahin nangho le na chapa teujouse neh ding a a itih a thupeh leaki koidoh ho chu ahi.
15Sa a-oplhang le sa amal ana kitohdohsa chu hin choi un lang, pumgomaicham thilto ahin sathao jao naahin poh lut diu, chuteng leh Pathenang-sunga thensona maicham thiltoding a thenso na umding, aimatihchanna ding a hiche maicham thitodoh jouse chu nangho jaona a nachapate jouseu nachan diu, Pathenthupeh bang bang a chu umding ahitin aseipeh tai.
16Chuin Chonset maicham thiltokelcha chung chang thua Mose inkhol chil na anei tan ahile, kelchachu ana gouvam hel tauvin ahi. Mose’n jong Aaron chapa teniadam na lai Eleazar ahin Ithamarlung han na achutan hiti hin a seipeh lhon tai.
17Chonset maicham thilto chuipi ding a muntheng a naneh lhonlou hitam? Thil lah a atheng chungnung pen nang ni chan vou ahi tan, Pathen masang a Khopi sung japithoidamna na natoh lhon ding ahitia mopoh na sang pen na kipe lhonhilou ham?
18Tun ganthisan chu muntheng lailung a aki koi lut tapon, kathu hetsah bang chun nang nin jong muntheng lai lung a chu naneh teitei lhon ding ahibouve tin asepeh lhonin ahi.
19Aaron in jong Mose heng a asei tan, ahile chonset jeh a Pumgo maicham thilto ding chu Pathen angsung a akaat lhon tan, hiche thilto hi ngai nalaije, hijeh chun keima tah mo eikichan sah ahitai. Tuni hin hiche chonset maicham thilto sa hi kananeh hitale Pathen mitmua san theidol ahi dem? tin a sei tai.
20Mose’n jong Hitia Aaron in aheng a aseiphat chun alung dam tan ahi.
