Suuki 3:4-10

⁴N to dangi e ra, n naxa n xanuntenyi li yire nde, n naxa a suxu, n mu a lu, n naxa a xanin n nga xɔnyi, a xa konkoe kui n barixi dɛnnaxɛ.»

⁵«Darisalamu ginɛdimɛe, n bara wo mayandi, tɔɔkɛ nun xeli xili ra naxee na wula i, wo naxa xanunteya raxunu, wo naxa a rakeli, beenu a wama a xɔn ma tɛmui naxɛ.»

⁶«Nde na fafe kelife gbengberen yire? A na xube ratefe alɔ tuuri. Na tuuri luxi nɛ alɔ surayi tuuri naxan xiri fan.

⁷Sulemani ragise na a ra, Isirayila xa sɔɔri gbangbalanyi tongo senni na a matife,

⁸santidɛgɛma na e birin yi ra, e fata gere ra, e fata mixi makantade kɔɛ ra.

⁹Mangɛ Sulemani ragise na a ra, a yailanxi wuri fanyi ra naxan kelixi Liban.

¹⁰A raxunmaxi xɛɛma, gbeti, nun dugi gbeeli ra. Darisalamu ginɛe nu bara dugi dɛgɛ Sulemani ragise raxunmafe ra, mangɛ xa marafanyi xa fe ra.