Soukapwüng 16:8-13

⁸Mürin, ekewe samolun Filistia ra uwato ren neminewe fufoch säl mi fö o ngüt, nge neminewe a föti Samson ren.

⁹Iwe, a wor ekoch mwän mi op o witiwit lon ewe rum lukalapen imwen neminewe. Nge neminewe a köri Samson, “Samson, ekewe re Filistia repwe le turufuk.” Nge Samson a mwüti ekewe säl usun chök uput a mwü, lupwen ekkei a küri. Iei usun monomonen an pöchökül esap pwä.

¹⁰Iwe, Telila a üreni Samson, “Nengeni, ka turunufaseei o chofana ngeniei. Kose mochen kopwe pwäri ngeniei met eman a tongeni föti ngonuk.”

¹¹Nge Samson a üreni, “Are repwe föti ngeniei säl mi fö resap piin aea, mürin üpwe apwangapwang usun chök aramas meinisin.”

¹²Iei mine Telila a angei säl mi fö, a föti Samson o kökkö, “Samson, ekewe re Filistia repwe le turufuk.” Iwe, ekewe mwän ra op o witiwit lon ewe rum lukalapen ewe imw. Nge Samson a mwüti ekewe säl seni pöün usun terech.

¹³Mürin, Telila a üreni Samson, “Tori ikenai ka chök turunufaseei o chofana ngeniei. Kopwe pwäri ngeniei met eman a tongeni föti ngonuk.” Nge Samson a üreni, “Are kopwe türünalong füchoch meten mökürei lon eu tür o annüküretiu ren ewe chüfölün tür, mürin üpwe apwangapwang usun chök aramas meinisin.”