كِيتِسَيٍ 16:8-13

⁸قِلِسِتَكَيٍ نَشَ لُوتِ نّينّ شَرَتَرٍ سٌلٌقٍرٍ شَنِن دَلِلَ شْن مَ. عَ نَشَ سَمِسٌن شِرِ عٍ رَ.

⁹قِلِسِتَكَيٍ نَشَ عَ شَ كٌنكٌي مّلّن. دَلِلَ نَشَ عَ شُي رَ مِنِ سَمِسٌن مَ، «قِلِسِتَكَيٍ بَرَ قَ عِ سُشُدٍ.» سَمِسٌن نَشَ نَ لُوتِيٍ بٌلٌن كٍرٍن نَ، عَلْ فّسّ نَشَن فَنشِ. نَ تّمُي عٍ مُ نْ عَ سّنبّ فُندٌ كٌلٌندٍ.

¹⁰دَلِلَ نَشَ عَ قَلَ سَمِسٌن بّ، «عِ وَ مَ ﭑ مَدَشُقٍ نّ. عِ بَرَ وُلٍ قَلَ ﭑ بّ. يَكْسِ، يَندِ، عِ شَ عِ فُندٌ قَلَ ﭑ بّ. عٍ نْمَ عِ شِرِدٍ مُنسٍ رَ؟»

¹¹سَمِسٌن نَشَ عَ قَلَ عَ بّ، «شَ مِشِ ﭑ شِرِ مَ لُوتِ نّينّيٍ رَ، سٍسٍ مُ نُ شِرِ نَشٍيٍ رَ، ﭑ سّنبّ لُمَ عَلْ عَدَ مَدِ بِرِن نَ كِ نَشّ.»

¹²دَلِلَ تٌ فّ عَ شِرِدٍ لُوتِ نّينّيٍ رَ، عَ نَشَ فبٍلٍفبٍلٍ، «سَمِسٌن، قِلِسِتَكَيٍ بَرَ قَ عِ سُشُدٍ!» قِلِسِتَكَيٍ نُ بَرَ عَ شَ كٌنكٌي مّلّن. سَمِسٌن نَشَ لُوتِ بٌلٌن عَ شِرِشِ نَشَن نَ عَلْ فّسّ بٌلٌنمَ كِ نَشّ.

¹³دَلِلَ نَشَ عَ قَلَ سَمِسٌن بّ، «هَن تٌ عِ نَ ﭑ مَدَشُقٍ، عِ وُلٍ نَن تُن قَلَقٍ ﭑ بّ. عَ قَلَ ﭑ بّ عَ لَنمَ عِ شَ شِرِ سٍ نَشَن نَ.» سَمِسٌن نَشَ عَ يَابِ، «ﭑ شُنسّشّ، نَشَن دّنبّشِ سٌلٌقٍرٍ رَ، شَ عِ نَ بِرِن دّفّ مَبْي دُفِ رَ، وٌ نَشَ دُفِ سْشْ سٍ قَن سْتِ ﭑ شُنسّشّ كُي، عَ سَ سْرْن بْشِ، ﭑ سّنبّ لُمَ عَلْ عَدَ مَدِ بِرِن نَ كِ نَشّ.»