Soloumane ea Gesami 1:1-5

¹Gesami noga:idafa amo Soloumane ea dedei. Uda da amane sia:i,

²“Dia lafi da nonogosu amoga na dedebosa. Dia sasagesu hou da waini hano ea hedai baligisa.

³Di da gabusiga: agoane naba. Na da dia dio nabasea, amo dawa:lala. Uda huluane da dima sasagemusa: fawane dawa:lala.

⁴Na dia oule, ani hobeale masunu. Di nama ouligisu hamone, dia sesei amoga na oule masa. Ani da gilisili hahawane hamomu. Ania da waini hano nanu, sasagesu hou bagade hamobeba:le, asigi dawa:su fisimu. Dafawane! Uda huluane da dima asigiba:le, na da hame hiosa.

⁵Dilia Yelusaleme fi uda! Na gadofo da bunumai be na da noga:iwane ba:sa. Na da hafoga:i soge abula diasu Gida sogebiga diala, amo defele bunumai gala, Be na da Soloumane hina bagade diasu giga:gisu abula defele, ida:iwane ba:sa.