SOLOMONA ENA ANE 7:2-10

²Oiemu hudona be kapusi kuboruna bamona, uaina dekenai ia honu noho nega ibounai. Oiemu bogana be uiti ena senuna ta, sosana palauapalaua ese idia hagegea noho.

³Oiemu ratana ruaosi, be uda dia hahine ena natuna rua bamona. uda dia hahine ena natuna vara hekapa.

⁴Oiemu aiona be kohoro bamona, aivori dekena amo idia haginia gauna. Oiemu matana be Hesebona hanua, ena gohu maragidia ruaosi bamona, Batarabimi magu iduara ena badibadinai. Oiemu udu baubauna be namo herea, Lebanona kohoro bamona, Damaseko gimaia totona unai kohoro ia gini noho.

⁵Oiemu kwarana be mai ena hairaina, Karamele Ororo bamona, bona oiemu huina, idia hatua gauna, be varo kakakaka bamona. Oiemu huina ena hairaina ese, king ta ia abia mauri diba.

⁶Lalokau e, moale momokani havaraia hahine e, oi be hahine namona, oi be mai hairaina momokani.

⁷Oiemu gini be namo, pama auna bamona, bona oiemu ratana, be pama ena huahua bamona.

⁸Lau laloa, pama auna do lau daekau lao, bona pama ena huahua do lau abia. To lau dekenai oiemu ratana ruaosi, be vain huahua namodia bamona. Oiemu uduna ena bonana, be apolo huahua edia bonana hegeregerena.

⁹Bona oiemu uduna, be uaina namo herea momokani bamona. Unai uaina be egu lalokau tauna dekenai, maoromaoro do ia heau lao be namo, iena bibina bona iena isena, dekenai do ia heau lao.

¹⁰Lau be egu lalokau tauna ena, bona ia ese lau ia ura henia noho.