Womu Duro 7:2-10

²wɔndiɑ bɛɛrɛgii, wunɛn nɑɑsu su wɑ̃ sɑlubɑtɑ sɔɔ. Wunɛn pɔrɑ yɑ wɑ̃wɑ nge sɑbɑ. Wi u ye kuɑ mɔmɔn tiiwɑ.

³Wunɛn bwĩirun girɑ yerɑ sɑ̃ɑwɑ bwɛrɛrɛ nge nɔrɑn nɔɔ ye yɑ ku rɑ tɑm kpe. Wunɛn bɔsɔ gɑ swɛ̃ri nge ɑlikɑmɑ ye bɑ kɑ biibii sikerenɛ.

⁴Wunɛn bwɑ̃su sɑ̃ɑwɑ nge yɑɑ kpikun binu yiru.

⁵Wunɛn wĩiru tɑ buririwɑ nge suunu donnu. Wunɛn nɔni yi dɛɛrewɑ nge Hɛsibonin yɛru si su wɑ̃ɑ wuu bɔkɔ gen kɔnnɔn bɔkuɔ. Wunɛn wɛ̃ru tɑ dɛndewɑ mɑm mɑm nge Libɑnin kɔ̃su yeru te tɑ Dɑmɑsi mɛɛrɑ.

⁶Wunɛn wirɑ suɑrewɑ nge guu te bɑ mɔ̀ Kɑɑmɛli. Mɑ wunɛn tɑrɑ yɑ bɑllimɔ nge beku gobigiru sere yɑ sinɑ bokon bwɛ̃rɑ kpuro mwɑ.

⁷Wunɛn burɑm bɑndɑ, ɑ mɑn wɛ̃re too. Wunɛ sɔɔrɑ nɛn kĩru kpuro wɑ̃ɑ.

⁸Wunɛn wɑsi yi dɛndewɑ nge kpɑkpɑ bɑ̃ɑ. Wunɛn bwɑ̃su su sɑ̃ɑwɑ nge dɑ̃ɑ mɑrum swɑɑru.

⁹Nɑ nɛɛ, kon kpɑkpɑ yɔwɑ kpɑ n yen mɑrum nɛnɛ. Wunɛn bwɑ̃su su sɑ̃ɑwɑ nge resɛm swɑɑru. Wunɛn wɛ̃siɑru tɑ nuburu do nge dɑ̃ɑ mɑrum mɛ bɑ mɔ̀ pɔmu.

¹⁰Nɑ̀ n nun sɔ̃su, nɑ rɑ n nuku dobu mɔ nge wi u tɑm durom nɔrɑ. Kurɔ u nɛɛ, tɑm mɛ, mu kokuo nɛn kĩnɑsin sɔ̃ mu du win nɔɔ sɔɔ ù n dweeyɑmɔ.