On Lal Solomon 7:2-10

²Futom oana sie ahlu pol Ma wain keng uh tia wi lisr loac uh. Kapin siom oana tohktok in wheat se Ma ros kiuf uh raunela.

³Titi lom uh oana deer fak lukwa, Ku kosro gazelle lukwa.

⁴Inkwawom oana sie tower naweyukla ke ivory. Atronmotom oana lulu in kof in siti Heshbon Su oan sisken mutunpot lun siti pwengpeng sac. Infwem kato oana tower lun Lebanon Su tuyak suwohs ac tawi acn Damascus.

⁵Kom pusrukak sifom nu lucng oana Fineol Carmel. Aunsifom pirakla ac saromrom oana nuknuk musresre na wowo; Katoiya uh ku in akmunasyela sie tokosra.

⁶Kom arulana kato ac oasku; Lungse lom nu sik arulana akpwaryeyu.

⁷Kom loes oasriksrik oana soko sak palm, Ac titi lom an oana ungin fokin palm uh.

⁸Nga ac fanukya palm soko uh Ac filiya pouk ke fahko kac uh. Titi lom oana ungin grape uh sik, Ac momong lom uh keng oana foulin apple uh.

⁹Ac oalum oana wain ma wo oemeet uh. Verse Lun Mutan Se Fin ouinge, lela wain uh in sororla nu yurin el su saok sik, Ac kahkla fin ngoasrol ac wihsel.

¹⁰Nga ma na lun el su nga lungse, ac el mwelyu na.