Tang Ko Pitang 7:2-10

²Totham e kalas ko wayin ke sug be map nga but’. Bay ba thum i wheat urom, nib liyeg e giyab.

³Thuthum e bod l’agruw i deer ni athlog. Bod l’agruw i gazelles.

⁴Blel’ugnem e bod ba wulyang ni ivory. Ma lan owchem e bod yung i lipath u lan e binaw nu Heshbon, nib chuchugur ko garog ko fare binaw nib gilbugwan. Ma p’ethungum e rib fel’usun ni bod e wulyang nu Lebanon nib suwon ni matnag nu Damascus.

⁵Ba puw owchem ngalang ni bod e burey ni Karmel. Piyan lolgem ni kan l’ang e be gal ra’en ni bod e bin th’abi fel e satin; feni gamog e rayag ni kal nga adin ba pilung.

⁶Ri gab gamog, ma rigab pidorang; ma rib langob e felfelan’ ko adag rom.

⁷Ri bfel’ i tay kenginam nge mithmith rom ni bod bake niw, ma thuthum e ruw ngun i wom’ngin.

⁸Bay gu wan u kenggin nga lang, nggu t’ar wom’ngin. Thuthum e bod l’agruw punug i grape u lanin’ug, ma pogofan rom e bod bon e arfath,

⁹ma langam e bod e bin th’abi fel’ e wayin. Fare Pin Ere mu pag e wayin nge map’ nib puluw ko en gamareg, nge map’ nga daken dap’ilugun nge nguwalen.

¹⁰Bmilfag ko en ni gamareg, ma beyim’ ni bochag.