San Lucas 1:61-72

⁶¹Na' ḻegaque' gose'ene': ―Notno diaža c̱hele nita' beṉe' zjale ca', ṉeca x̱ozxta'ole.

⁶²Na' gosone' señw goseṉabde' x̱aben' nac che'nde' si' labe'.

⁶³Nach bene' señw gwṉabe' to yagla' dao' da' bzoje': “Si' labe' Juan.” Na' yogüe' besyebande'.

⁶⁴Beyož bzoje' da'na', ḻa' gocte beṉie', nach ḻa' gwzolaote be'e diža' benxene' Diosen'.

⁶⁵Na' besyebane beṉe' gualiž c̱hegaquen'. Na' xtiža'gaquen' gos gwlaljen doxen yež ca' zjachi' ḻo ya'ana' gan' mbane distritw Judean'.

⁶⁶Na' yogo'ḻoḻ beṉe' gosende' dižan' gosone' xbab ḻo' yic̱hjlažda'ogüe' c̱he da' ca', na' gosene': ―¿Bixe gon bdao'na'? Gosene' ca' ḻe goseṉezde' zoacze X̱ancho Diosen' len ḻebe'.

⁶⁷Nach gwnabia' Spiritw c̱he Diosen' yic̱hjlaždao' Zacaríasen', nach be'e xtiža' Diosen', gwne':

⁶⁸Chonxena' X̱ancho Dios ben' chonxen chio' beṉe' Israel. Cheyaše' cheži'ilaže'de' chio' naccho nación c̱he' na' ba chseḻe' beṉe' yebej chio' ḻo da' malen'.

⁶⁹Na' bena' bac̱h za' cont yebej chio' ḻo da' malen', naque' beṉe' gwnabia' gual, na' naque' xi'iṉ diaža c̱he da' rey David ben' goc xmos Diosen'.

⁷⁰Chac can' gwna Diosen' len cho'a da' beṉe' ca' gwseḻe' cani', beṉe' gosac ḻo ne'e goso'e xtižen'.

⁷¹Ba za' ben' gwne' yosle' chio' ḻo na' yogo' beṉe' chesegue'e chio'.

⁷²Chac can' gože' da' x̱ozxta'ocho ca' yeyaše' yeži'ilaže'de' ḻegaque'. Bi chanḻaže', san chone' yogo' da' ba gwne' gone' gaclene' chio'.