Lukas 1:61-72

⁶¹Mais sia nataa naꞌak, “Tan saa mili naran Yohanis? La noo ema ida iha emikaan familin mak tau naran nia!”

⁶²Hotu sia foo tadak baa Sakarias atu nodi natene nia nakara tau naran saa baa oa nia.

⁶³Hotu Sakarias foo tadak nodi nusu fatuk hakerek. Sia foo baa, nia nakerek naꞌak, “Naran Yohanis!” Naree nunia, ema nia sia hotu-hotu moos blaar karin.

⁶⁴Baa oras nia moos, Sakarias nanaan matek nia, mamar kedas. Nia moos tonu kedan Naꞌi Maromak.

⁶⁵Ema hotu-hotu iha nia, nataꞌuk no blaar. Lia nia keke lema nosi ibun baa ibun, toꞌo ema iha rai Yudea foho leten sia moos natene hotu.

⁶⁶Ema mak rona lia nia nanoin naꞌak, “Malorek tebes! Naꞌi Maromak beran tuun baa oan nia. Nia boot mai, nia atu dadi saa?”

⁶⁷Baa oras nia, Sakarias nakonu no Maromak Kmalar Lulik. Hotu nia dale naꞌak,

⁶⁸“Haꞌu ktonu-kaboot haꞌukaan Naꞌin. Nia, mak ema Israꞌel siakaan Maromak! Nia namaan aan mai tiꞌan atu sori Niakaan hutun-renu nosi moris nuꞌu ata.

⁶⁹Nia foti tiꞌan Ema ida nosi Naꞌi Daud husar-binan. Ema nia atu sori ita, nodi Niakaan beran boot.

⁷⁰Naꞌi Maromak nameno kedan lia nia hori uluk, nodi Niakaan makoꞌan moon sia.

⁷¹Oras neꞌe, Nia loke dalan atu nabusik ita nosi funu, no nosi ema mak laran moras baa ita.

⁷²Nia natudu laran diꞌak baa itakaan bei uluk sia, tan nanoin bei-beik Niakaan mamenon mak Nia namate hori uluk no Bei Abraham.